Президенти Академияи миллии илмҳои Тоҷикистон  Қобилҷон  Хушвахтзода бо муовини роҳбари намояндагии Корпоратсияи миллии ҳастаии Чин (CNNC) дар Осиёи Марказӣ ва Аврупои Шарқӣ Ли Юйдон вохӯрӣ намуд, хабар медиҳад АМИТ «Ховар» бо истинод ба Академияи миллии илмҳо.

   Ли Юйдон мақсади ташрифашро баррасии масъалаи ба имзо расонидани Ёддошти тафоҳум оид ба ҳамкории техникӣ байни Академияи миллии илмҳои Тоҷикистон ва Корпоратсияи миллии ҳастаии Чин (CNNC) арзёбӣ намуд. Ли Юйдон ба имзо расонидани ин санадро барои ҷонибҳо муҳим шуморида, иброз намуд, ки амалишавии санад ҷиҳати тақвият ёфтани ҳамкорӣ ва муносибати илмии ҳарду ҷониб заминаи мусоид фароҳам меорад. Ҳамчунин иброз гардид, ки соли 2024 барои ҷонибҳо соли муҳим ва бобарор мегардад.

  Дар Форуми соҳибкорӣ ва ҳамкории тиҷоратию иқтисодӣ байни Тоҷикистон ва Чин, ки санаи 2-юми ноябр дар Душанбе баргузор гардид, Ёддошти тафоҳум байни Маркази рушди инноватсионии илм ва технологияҳои нави АМИТ ва Институти экология ва географияи Академияи илмҳои Хитой имзо карда шуд. 

Кормандони Марказ дар шанбегӣ иштирок намуда, гирду атрофи Марказро тоза ва обод намуданд. Дар акс директори Марказ Кодиров А.С ва ҷонишини директори Марказ оид ба хоҷагидорӣ Бурҳонов С. мавриди ободикунонӣ. 

  Дар доираи лоиҳаи SATREPS «Ташаккули системаи гармидиҳии декарбонизатсияшуда бо истифода аз манбаи гармии заминӣ» марҳилаи якўми сохтмони нерӯгоҳи намоишии насоси гармии геотермалӣ анҷом ёфт. Пармакунии чоњи дуйум ба охир расид, барои гузарондани тадқиқоти минбаъда қубурҳои пластмасӣ барои мубодилаи гармӣ ва датчикҳои ҳароратӣ гузошта шуданд. Дар сурат: бригадаи инженерони япон, намояндагони МРИИТН АМИТ ва JICA, инчунин гурўҳи кории пармачиён. 

  23 июни соли 2023  дар Маркази рушди инноватсионии илм ва технологияҳои нави АМИТ Конферентсияи 3-юми минтақавии илмӣ-амалии «Илми муосир: саволњои мубрам, дастовардҳо ва инноватсияҳо» кори худро оғоз намуд. Дар аввал академики АМИТ, профессор Илолов М., директори Марказ Кодиров А.С. ва муовини директори Марказ Раҳматов Ҷ.Ш. сухани ифтитоҳӣ гуфтанд ва баъд аз он кори конференсия шуруъ шуд. Конференсия мувофиқ ба ҷадвал кори худро бурда, дар он аз тарафи иштирокчиён баромадҳо пешкаш шуданд.

25 майи соли 2023 дар Донишгоҳи давлатии ҳуқуқ, бизнес ва сиёсати Тоҷикистон конференсияи илмӣ-назариявии байналмилалӣ таҳти унвони «Захираҳои обӣ дар ҷаҳони муосир: муаммо ва истифодаи самаранок» доир шуд. Конференсияи байналмилалӣ бахшида ба Даҳсолаи байналмилалии амал «Об барои рушди устувор, 2018 – 2028» ва эълон гаштани соли 2025 «Соли байналмилалии ҳифзи пиряхҳо» баргузор гардид.

Баъди анҷоми мулоқоту музокироти сатҳи олии Тоҷикистону Чин аз руи натиҷаҳои он дар ҳузур ва бо иштироки сарони давлатҳо санадҳои нави ҳамкорӣ ба имзо расиданд.

Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин муҳтарам Си Ҷинпин ба Изҳороти муштараки Ҷумҳурии Тоҷикистон ва Ҷумҳурии Мардумии Чин имзо гузоштанд.

Дар ҳузури сарони давлатҳо 13 санади нав имзо шуд;

- Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Мардумии Чин дар бораи баргузории тамринҳои муштараки зиддитеррористӣ;