Аз суханронии Асосгузори сулҳу ваҳдат - Пешвои миллат, Президенти Ҷумҳурии Тоҷикистон Эмомалӣ Раҳмон: Асри XXI – давраи беамсоли инкишофи илм, техника ва технологияҳои навин ба шумор меравад. Дар чунин шароит инкишофи ҳар кишвар ба андозаи зиёде аз татбиқи дастовардҳои навтарини илм дар истеҳсолот вобаста мебошад !

14.04.2021 шабаки нави телевизионии "Илм ва табиат" ифтитоҳ ёфт. Масъалаи кушодани чунин шабакаро Президенти кишвар, мӯҳтарам Эмомалӣ Раҳмон моҳи марти соли гузашта дар мулоқот бо олимон ба миён гузошта буд. Дар саҳни телевизион бахшида ба рӯзи илм намоиши дастовардҳои илмӣ баргузор гардид. Кормандони Маркази рушди инноватсионии илм ва технологияҳои нави АМИТ дар намоишгоҳи мазкур иштирок намуда, китобҳо, патентҳо ва баннерҳои худро пешкаши ҳозирин намуданд. 

 

    

 

23 феврали соли 2021 вохӯрии кории олимону мутахассисони Маркази рушди инноватсионии илм ва технологияҳои нави АМИТ, академик М.Илолов, академик Ҳ.М. Аҳмедов, муовини директор Ҷ.Ш. Раҳматов, ходими калони илмӣ С. Расулов ​​ва унвонҷӯи унвони илмӣ М. Ҳулмӣ бо вазири саноат ва технологияҳои нави Ҷумҳурии Тоҷикистон Шералӣ Олимович Кабир баргузор гардид.

Дар вохўрӣ  масъалаҳои марбут ба манбаъҳои барқароршавандаи энергия (МБЭ) ва имконияти истифодаи васеъи он дар саноат ва дигар соҳаҳои иқтисодиёти Тоҷикистон муҳокима карда шуданд.

Дар суханронии худ академик М. Илолов Вазирро бо таъин шудан ба вазифа табрик намуд. Сипас ӯ дар бораи тамоюлҳои нави истифодаи манбаъҳои барқароршавандаи энергия ва бахусус, энергияи офтобӣ сухан гуфт. Ӯ имкони сохтан ва истифода бурдани нерӯгоҳҳои офтобии шинокунанда (НОШ)-ро дар рӯи кӯлҳо ва обанборҳо, оид ба системаҳои гибридии намуди НОШ-НБО-ВЭС ва НОШ-ҳои хурд дар рӯи кӯлҳои баландкӯҳҳо барои беҳтар кардани инфросохтор дар бахши сайёҳӣ қайд намуд. Дар ҷараёни вохӯрӣ масъалаҳо оид ба имкони сохтани корхонаи истеҳсоли панелҳои офтобӣ ва корхонаи истеҳсоли аккумуляторхои муосири литий-ионӣ дар Ҷумҳурии Тоҷикистон баррасӣ шуданд.  

Олимону мутахассисони Марказ якчанд вариантҳои корхонаҳои истеҳсоли панелҳои офтобиро пешниҳод намуда, таъкид карданд, ки аз истеҳсоли панелҳо аз ҷузъҳои хориљӣ оғоз намуда, дар оянда истеҳсоли ин ҷузъҳоро дар Тоҷикистон ба роҳ мондан лозим аст. 

С.Расулов ​​оид ба бартариҳои сохтани НОШ-ҳои шабакавӣ дар обанборҳои назди НБО, дар бораи набудани эҳтиёҷ ба захиракунӣ ва сохтани иншооти трансформатории иловагӣ, кашидани хатҳои барқ ​​ва дигар афзалиятҳо суханронӣ намуд.

Академик Ҳ.М. Ахмедов доир ба афзалияти насосҳои обкаш бо батареяҳои офтобӣ барои обёрии заминҳои лалмӣ ва заминҳои кишоварзӣ, алахусус дар доманакӯҳҳо ва ноҳияҳои кӯҳӣ, ки барои обёрӣ намудани замин аз сабаби набудани об мушкилӣ мекашанд, сухан ронд. Истифодаи насосҳои обкаши офтобӣ имкони сарфаи истифодаи энергия ва дар ҷойҳое, ки нерӯи барқ вуҷуд надорад, имкон медиҳад, ки онҳо ҳамчун насосҳои обёрӣ фаъолият намуда, майдони боғҳо ва заминҳои кишоварзиро барои парвариши маҳсулоти кишварзӣ васеъ намуда, инчунин истифодаи системаи автоматии обёрии қатрагиро имкон медиҳад, ки ба истифодаи сарфакоронаи об оварда мерасонад.

Ҳамаи пешниҳодҳои олимон ва мутахассисони Марказ хуб пазируфта шуданд.

Созиш ба даст оварда шуд, ки қисмҳои зертобеъҳои Вазорат ва Марказ дар ин самти тарақии босуръат корҳои амалии муштаракаро идома хоҳанд дод.  

 

 

01.01.2021  дар Маҷлиси умумии солонаи АМИТ номзади илмҳои техникӣ, директори Маркази рушди инноватсионии илм ва технологияҳои нави АМИТ Кодиров Анвар Саидкулович бо Ифтихорнома барои фаъолияти пурсамари илмӣ ва илмию ташкилӣ, татбиқи сиёсати илмию инноватсионии Ҳукуати ҶТ қадрдонӣ гардид. 

 

 

 

 

 

 

 

  

11 декабри соли 2020 дар толори маҷлисгоҳи Маркази рушди инноватсионии илм ва технологияҳои нави АМИ Тоҷикистон семинари илмӣ дар мавзўи «Рушди технологияҳои инноватсионӣ» бахшида ба ҷашни 30-солагии Истиқлолияти Ҷумҳурии Тоҷикистон ва 70-солагии таъсисёбии Академияи илмҳои Ҷумҳури Тоҷикистон (ҳоло Академияи миллии илмҳои Тоҷикистон) баргузор гардид.

Семинарро директори Марказ А.С. Қодиров оғоз кард. Дар баромади худ ӯ оид ба дастовардҳои Марказ дар соли гузашта сухан ронда, инчунин ҳозиринро ба дастовардҳои  хуби илмӣ бо вуҷуди мушкилот ва маҳдудиятҳо марбут ба каронавирус табрик намуд.

Сипас сухан ба академики АМИТ, доктори илмҳои физика ва математика М.Илолов дода шуд.  Академик М. Илолов доир ба дастовардҳои шӯъбаи худ, оид ба корҳои илмие, ки Ҷ.Ш. Раҳматов, Д.Н. Гулҷонов ва М.С. Қурбониён дар соли гузашта анҷом доданд ва дар  маҷмӯъ доир ба рушди инноватсионии Марказ, АМИТ ва Ҷумҳурии Тоҷикистон сухан гуфтанд.   

Пас аз суханронии академик М. Илолов сухан ба академики АМИТ, доктори илмҳои химия Ҳ.М. Ахмедов дода шуд. Академик Х.М. Ахмедов оид ба корҳое, ки дар соли ҷорӣ шӯъбаашон  анчом дод гуфта доданд. Вай дар бораи корҳои дарпешистодаи бахшида ба ҷашни 30-солагии Истиқлолияти Ҷумҳурии Тоҷикистон ва 70-солагии таъсисёбии Академияи илмҳои Ҷумҳурии Тоҷикистон (ҳоло Академияи миллии илмҳои Тоҷикистон) ва доир ба зарурияти чопи силсилаи китобҳои Марказ, ки  ба ин санаҳо бахшида шудаанд, чанд сухан гуфт.  

Баъдан маърӯзачиёни семинар оид ба технологияҳои инноватсионӣ дар соҳаҳои гуногун ва усулҳои татбиқи онҳо маърӯзаҳо карданд. Ҳамаи баромадкунандагон маърӯзаҳои худро дар сатҳи баланд хонданд. Хозирин маърӯзаҳоро бо шавқ гӯш карданд. Пас аз анҷоми ҳар маърӯза иштирокчиёни семинар мавзӯъ ва мундариҷаи онро муҳокима карданд. Семинар самаранок баргузор гардид. 

 

                 

 

 

 «Маркази рушди инноватсионии илм ва технологияњои нав»-и                Академияи  илмњои Љумњурии Тољикистон

 

Маќсади асосии Марказ ташкил ва гузаронидани тањќиќоти илмї, њамчунин корњои амалї дар соња тањия ва амалисозии лоињањои инноватсионї ва технологияњои наве мебошад, ки барои рушди мамлакат ањамияти муњим доранд.

Вазифањои асосии Марказ инњоанд:

-гузаронидан ва њамоњанг сохтани тањќиќоти илмї оид ба самтњои афзалиятноки бунёдї ва амалии илм њамчун асос барои рушди фаъолияти инноватсионї;

-тањия ва амалисозии лоињањои инноватсионї, ки барои рушди мамлакат ањамияти муњим доранд;

-њавасмандгардонии фаъолияти илмию техникї ва инноватсионї;

-мусоидат ба њамкории илмию техникии байналмилалї дар соњаи инноватсияњо;

-тањкими алоќањои байни илм ва маориф, иштирок дар фаъолияти тањсилотї ва тайёр кардани кадрњои баландихтисоси илмї ва илмию омўзгорї, иштирок дар фаъолияти нашрї ва илмию маърифатї;

-њамоњангсозии њамкорињои ташкилотњои академї бо муассисањои илмию тањкиќотии соњавї ва  муассисањои тањсилоти олї дар соњаи инноватсияњо;

-тањкими алоќањои байни илм ва истењсолот ба маќсади амалисозии коркардњои илмию техникї ва лоињањои инноватсионї ва тиљоратигардонии натиљањои фаъолияти илмию техникї;

-тањияи барномањо ва таълифи воситањои таълимї оид ба технологияњои иттилоотиву иртиботї;

-коркард, ба вуљуд овардан ва татбиќи технологияњои иттилоотиву иртиботї, истифода ва рушди самтњои нави забоншиносии компютерї барои омўзиши забони тољикї ва васеъ намудани имконияти татбиќи амалии онњо.

Феҳристи сомона


 

logo

 

 

 

Президенти ҶТ

© Mаркази рушди инноватсионии илм ва технологияҳои нави | All right reserved
    Телефон: (+992 37) 221-35-67 | П-электронӣ: cidsnt-info@yandex.ru
-- Created by: DP